قصة كفاح صرصور

في قديم الزمان كان في صرصار بسيط على قد حالة يعنى
بيشتغل جناينى فى قصر السلطان

الصرصور الأعظم

وكان السلطان عندة حته صرصارة
مجننة الصرصار ابن الجناينى شافها كذا مرة واتكلموا

جنب مجارى رقم 43 و نشأت بينهم قصه حب أسطورية.
وقام الصرصار ابن الجناينى اتجرأ وطلب ايد بنت السلطان

وما كان عقابه على هذا الحلم الأسطورى
سوى سجن الجناينى الغلبان و تعذيب قلوب صراصير.

وحس الصرصار ان حياته هو و باباه انتهت
والحادثه اثرت على قرون الأستشعار، عنده فقرر

يروح يشتغل فى دار مسنين فلقى صرصارة عجوزة
غلبانة فقرر يساعدها و يكفر عن ذنبه مع باباه،

وعددت ايام وشهور وبعدين ماتت الصرصارة العجوزة
وكان فى غايه الحزن
والتأثر راح من عليه اول ماعرف الثروة اللى هيه سيباهاله

وقال خلاص هيطلع بباه من السجن ويتجوز الأميره
ولكن لسوء حظه طلع له صرصار فى الزور

وهو ابن العجوزة وخد الميراث كله ملقاش حل قدامه
الا الأنتحار علشان الدنيا كانت قفلت كل أبوابها فى وشه.

قعد ماشى ماشى لغايه ملقى صحرا واسعه
فيها رمال متحركه وقفز فيها قفزه السوبر صرصار
اللي كان بيتفرج عليه في التلفزيون

ولقى نفسه فى حته حر قوى عرف انه دخل النار
ولكن بعد أيام من إقناعه بانه مامتش قدر يستوعب الحقيقه

ولقى نفسه فى قبيلة شيخ الصراصير
و الخيم التابعه لها(على شويه رمل كانوا متبقيين من بناء بيت بشرى)

وحكى الصرصار لشيخ الصراصير حكايته المؤسفة

وتاثر الجميع وشيخ البلد حبه قوى و عامله زى ابنه
وخلاه يدير التجاره الخارجية بين البلاعات

وبعضها، ويقود السفن الضخمه فى المجاري العميقة،
و سنتين عدوا وبقى أكبر و أغنى تاجر فى تلك البلاد

و فجأة مات شيخ البلد اللى احتواه زى ابنه
وقد كانت تلك بالصدمه الكهربيه على الصرصار

وقرر أنه هيكمل الطريق وهيروح بالثروة
الى عنده و يشترى قصر كبير متنقل و عربيه
تاكسي ويحرر باباه ويتجوز الاميره...

شهور طويلة عدت ولما وصل بيبص من شباك العربيه لقى
الأميرة وكأنها حاسة أنه جاي وجريت علشان تستقبله،
وبعدين قام جي يتحرك بسرعة الشوق،

ولسه جاي يفتح الباب وبعدين
.
.
.
.
.
.
.
.
.
.
.
.
.
.
.
.
.

لزق فى شبشب واحد ماشي ولقى حتفه

هههههههههههههههههههههههههههه ياعينى على الصرصور المعذب دنيا واخرة تسلم ايدك يا ريرى

هههههههههههههههه شفتى يا ياساسو يا عينى مش لحق يفرح بشبابه

هههههههههههههههههههههههه
جزاكم الله خيرا وفعلا مالحقش يتهنى بسبابه

وجزاكى مثلة ياقمر ونورتى المنتدى ومنتظرين مشاركتك معانا

جزاكم الله خيرا

ولكنى لا استطيع اضافه المواضيع فى الفتره دى لانى بدات امتحانات انهارده ادعولى

اصل انا تعليم ازهرى ادعولى بالله عليكم
وانا سعدت انى اكون بينكم
والسلام عليكم

ربنا يوفقك يا جميلة ويوفق جميع الطلبة والطالبات ومنتظرين مشاركتك بعد الامتحانات باذن الله اللهم لا سهل الا ما جعلته سهلا وانت تجعل الحزن ان شئت سهلا

جزاكِ الله خيرا

ههههههههههه
يعنى ع دا صرصور بس بصراحة يستاهل لأنى بخاف منهم هههه
Laughing

ههههههههههههههههه ايه رائيك جبتلك اجله اهوة ههههه بس صعب عليا ياعينى